செல்வக் களஞ்சியமே!

சின்னஞ்சிறுக் கிளியே !

சின்னஞ்சிறுக் கிளியே !

செல்வக் களஞ்சியமே!

எண்ணப் பெருங்கொடையே!-என்றும்

இனிக்கும் தேனமுதே!(சின்ன)

உன்னைத் தீண்டையிலே

உள்ளம் குளிர்கிறதே!

என்னை நினைக்கையிலே!-கர்வம்

ஏறி வளர்கிறதே!(சின்ன)

அன்னை மடியினிலே!

ஆசை நிறைத்தவளே!

என்னை அவள் வடிவில்-வடித்து

உன்னைக் கொடுத்தவளே!(சின்ன)

தன்னை உணவாக்கி

அன்னை வளர்த்தாளே

உன்னில் என்னுயிரை-அவள்

ஊட்டி வடித்தாளே!(சின்ன)

முன்னைப் பெரியவர்கள்

உன்னில் தெரிகின்றர்.

இன்னை என் தோளில்—நீயோ

பின்னை எழுதுகிறாய்.(சின்ன)

பெண் நீ பிறப்பதற்கு 

முன் தவம் இருந்ததற்கு

உன்னைப் பெற்றதற்கு-இறைவன்

உதவினான் வாழ்வதற்கு.(சின்ன)

பெண்ணின் பெருமைகளும்

உன்னில் அருமை சொலும்.

அன்னைத் தந்தையரும்—உன்னால் 

அடைவோம் திருமைகளும்.(சின்ன)

உன்னைப் பெற்றதற்கும்

உலகம் எமைப் போற்றும்

பெண்ணை ஏற்றுதற்கும்—நீயும்

உன்னை ஈந்திடணும்(சின்ன)

முன்னை மடைமைகளை

முறித்து ஒழித்திடணும்.

பெண்மை உடையொளித்தும்-தமிழின்

பண்பைக் காத்திடணும்.(சின்ன)

கற்றும் உயர்ந்திடணும்.

காலம் வென்றிடணும்.

முற்றுந் தெளிந்திடணும்—வாழ்வில்

முதன்மை நின்றிடணும்.(சின்ன)

கொ.பெ.பி.அய்யா.